రానున్న 48 గంటల్లో తెలంగాణలో భారీ వర్షాలు...

 తెలంగాణలో ఎండల తీవ్రత కొనసాగుతున్నప్పటికీ మరోవైపు వర్షాలు కురిసే అవకాశం ఉందని వాతావరణ శాఖ వెల్లడించింది. రానున్న 48 గంటల్లో పలుజిల్లాల్లో ఈదురు గాలులతో కూడిన వర్షాలు పడనున్నట్లు తెలిపింది. ముఖ్యంగా ఆదిలాబాద్, మంచిర్యాల, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్లగొండ, సూర్యాపేట జిల్లాల్లో వర్ష ప్రభావం ఉండొచ్చని పేర్కొంది. రాజధాని హైదరాబాద్‌లో కూడా వర్షాలు కురిసే అవకాశం ఉందని తెలిపింది. ఈ నేపథ్యంలో ఆయా జిల్లాలకు ఎల్లో అలర్ట్ జారీ చేసినట్లు అధికారులు వెల్లడించారు.